ಹೂ ಮಾರುವ ಹಾ(ಬೀ)ದಿ ಬದಿ

Share Button

ಹೊಯ್ಯುವ ಮಳೆಯಡಿ
ಹೂವಿನ ರಾಶಿಯಲಿ
ಹೋ(ಹಾ)ರಾಡಿ ಮಾರಿ
ಹಣಗಳಿಸುವವರ ಪಾಡು

ಹುಂಬತನವಲ್ಲವದು
ಹೇಡಿಯಾಗದೇ ಅಲ್ಲಿ
ಹೊಟ್ಟೆಪಾಡಿಗಾಗಿ ಇಟ್ಟ
ಹೆಜ್ಜೆಗಳು ಹೋದ ಹಾದಿ

ಹೆಚ್ಚುಗಾರಿಕೆಯಲ್ಲ
ಹುಚ್ಚುತನವೂ ಇಲ್ಲ
ಹನಿಬೆವರಿನಡಿಯಲಿ
ಹಸಿವು ನೀಗಿಸುವ ಪರಿ

ಹೊತ್ತಿಗಲ್ಲಿನ ಧಾರಣೆ
ಹತ್ತರ ಮೇಲೊಂದಷ್ಟು
ಹತ್ತಿರವಾದವರಿಗಲ್ಲಿ
ಹುಸಿನಗುವೊಳಗಿಷ್ಟ

ಹತ್ತಿಯ ಹಗುರವಲ್ಲವಲ್ಲ
ಹೊತ್ತಿದ್ದೇನೂ ಭಾರವಿಲ್ಲ
ಹೆತ್ತಿದ್ದವರ ಪೊರೆವವರ
ಹುಡುಗರೂ ಇಹರಲ್ಲಿ

ಹಳ್ಳಿಯವರೇನಲ್ಲ
ಹಮ್ಮುಬಿಮ್ಮಗಳಿಲ್ಲ
ಹೂಂಕಾರಗಳೂ ಇಲ್ಲ
ಹರಟೆಗಳಿಗೆ ಬರವಿಲ್ಲ

ಹಂಬಲವಿಲ್ಲಿ ಬದುಕು ಕಟ್ಟಲು
ಹಸಿಬಿಸಿ ಮೈಯೊಳಗಣ ಕಸು
ಹಣಾಹಣಿಗಳಾಗದಿಲ್ಲಿ
ಹಾಲಷ್ಟೆ ಹಾಲಾಹಲವಿಲ್ಲ

 

 – ಗಣೇಶಪ್ರಸಾದ ಪಾಂಡೇಲು

 

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: