ನವಿಲು ಗರಿ ಮರಿ ಹಾಕಿದೆ

Share Button

ನವಿಲು ಗರಿ ಮರಿ ಹಾಕಿದೆ,
ನೋಡು ಬಾ ಗೆಳೆಯಾ…!

ಮುದ್ದು ಮಾಡಿ ಕೊಟ್ಟೆ ನೀನು
ಚಂದದ ನವಿಲಗರಿಯೊಂದನು
ನೀಲ ಮೇಘ ಶ್ಯಾಮನೊಲುಮೆಯ
ರಾದಾಮಾಧವನ ಕೊಳಲಲಿ
ಜೋಕಾಲಿಯಾಡುತ್ತಿದ್ದ ನವಿಲಗರಿಯೊಂದನು
.
ಬಣ್ಣಬಣ್ಣದಿ ಕಂಗೊಳಿಸುತ್ತಿದ್ದ
ಅತ್ಯಮೂಲ್ಯ ಬಳುವಳಿಯೊಂದನು
ದೇಹದೊಳಗೆ ಜೀವವಿರುವ ಹಾಗೆ
ಜತನದಿಂದ ತನುಮನದೊಳಗೆ
ಕಾಪಿಟ್ಟುಕೊಂಡೆ ನಲ್ಲ ನಾನದನು
.
ಆಗೊಮ್ಮೆ ಈಗೊಮ್ಮೆ ಮೃದುವಾಗಿ
ಮೈದಡುವುತ್ತಿದ್ದೆ ನಿನ್ನದೇ ನೆನಪುಗಳನು
ಬಾಳಹಾದಿಯ ಏಳು ಬೀಳುಗಳಲೂ
ಕಳೆದುಕೊಳ್ಳಲಿಲ್ಲ ನಂಬಿಕೆಯನು
ನಾ ನಿನ್ನ ಮೇಲಿಟ್ಟ ಭರವಸೆಯೊಂದನು
.
ನೋಡೀಗ ವಿಸ್ಮಯವೊಂದನು
ನೀ ಕೊಟ್ಟ ಒಲವ ನವಿಲಗರಿಯದು
ಮುದ್ದಾಗಿ ಹಾಕಿದೆ ಕೂಸೊಂದನು
ನಲಿದಿದೆ ಕುಣಿವ ನವಿಲಂದದಿ,
ನೋಡು ಬಾ ಗೆಳೆಯಾ ಹೇಳಿದೆ,
ನೂರು ಜನ್ಮದ ನಮ್ಮ ಪ್ರೇಮದ ಕಥೆಯೊಂದನು
.
-ಸವಿತಾ ಎಸ್ ಪಿ , ತುಮಕೂರು 

9 Responses

  1. ಬಾಲ್ಯದಲ್ಲಿ ಪುಸ್ತಕ ದೊಳಗೆ ನವಿಲುಗರಿ ಇಡುತ್ತಿದ್ದ ದಿನಗಳ ನೆನಪು ಮರುಕಳುಸಿತು.

  2. ನಯನ ಬಜಕೂಡ್ಲು says:

    ಅಬ್ಬಾ, ಬಾಲ್ಯದ ದಿನಗಳಿಂದ ಇಟ್ಟು ಕಾಯುತಿದ್ದ ನವಿಲು ಗರಿ ಕೊನೆಗೂ ಮರಿ ಹಾಕಿತು . ಸುಂದರ ಕವಿತೆ ಸವಿತಾ ಜಿ . ಈ ನವಿಲು ಗರಿಯ ಜೊತೆಗಿನ ಮೃದು ಮಧುರ ನೆನಪುಗಳು ಸುಂದರ .

  3. Shankari Sharma says:

    ನೆನಪಿನ ನವಿಲಗರಿ ಮರಿ ಇಟ್ಟ ಕವನ ಚೆನ್ನಾಗಿದೆ. ಬಾಲ್ಯದಲ್ಲಿ ಪುಸ್ತಕದ ಮಧ್ಯೆ ನವಿಲಗರಿ ಇಟ್ಟು ದಿನಕ್ಕೆ ನೂರು ಸಲ ಅದು ಮರಿ ಇಟ್ಟಿದೆಯಾ ಎಂದು ನೋಡ್ತಿದ್ದುದು ನೆನಪಾಯ್ತು.

  4. Savitha says:

    Thank you for publishing my poem

  5. ವಿಕ್ಕಿ says:

    ಅಬ್ಬಬ್ಬಾ!! ಇದೊಂದು ಅಮೋಘವಾದ ಶಬ್ದಚಾತುರ್ಯಗಳಿಂದ . ಬಹಳ ಸುಂದರವಾಗಿ ರಚಿಸಲಾದ ಕವನ. ಪ್ರೀತಿಯೆಂಬ ನವಿಲುಗರಿಯು ಬೆಳೆದು ನಿಂತು ಮರಿಹಾಕಿದೆ ಎಂದು ಉತ್ಪ್ರೇಕ್ಷಿಸಿದ್ದೀರಿ. ನಿಜಕ್ಕೂ ನೀವು ಪ್ರತಿಭಾನ್ವಿತ ಕವಯತ್ರಿ. ಶಿರಬಾಗಿ ನಮಿಸುವೆ

  6. Anonymous says:

    ಚೆಂದ

  7. Anonymous says:

    Tumba sundaravaagi barediruviri. Khushi aaytu odi. Heege bareetaa iri.

Leave a Reply to ನಯನ ಬಜಕೂಡ್ಲು Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: