ಗಜ಼ಲ್ : ಅವಕಾಶವೆಲ್ಲಿ ?

Share Button

 

ಹೊಳೆಯಾಗಿ ಹರಿಯವುದಿತ್ತು ಅವಕಾಶವೆಲ್ಲಿ
ಕಡಲಾಗಿ ಕೂಡುವುದಿತ್ತು ಅವಕಾಶವೆಲ್ಲಿ

ಹಕ್ಕಿಯ ರೆಕ್ಕೆ ಮನಸು ಎರಡೂ ಇತ್ತಲ್ಲ
ಹಾರಿ ಚುಕ್ಕಿ ಸೇರುವುದಿತ್ತು ಅವಕಾಶವೆಲ್ಲಿ

ಅದೆಷ್ಟು ಬಣ್ಣಗಳು ಕಣ್ಣ ಪರದೆಯ ಮೇಲೆ
ತೊಡೆದು ನಿಜವಾಗುವುದಿತ್ತು ಅವಕಾಶವೆಲ್ಲಿ

ಮಾನಿಟರ್ರಲ್ಲಿ ಅರ್ಥರಹಿತ ಅಂಕಿಗಳ ಸಂತೆ
ಕಿತ್ತೆಸೆದು ನಡೆಯುವುದಿತ್ತು ಅವಕಾಶವೆಲ್ಲಿ

ಬೇಲಿಗಳು ಗೋಡೆಗಳು ಸಖಾ ಎಲ್ಲೆಲ್ಲೂ
ಬಯಲಾಗಿ ಬೆರೆಯುವುದಿತ್ತು ಅವಕಾಶವೆಲ್ಲಿ

-ಡಾ ಗೋವಿಂದ ಹೆಗಡೆ

2 Responses

  1. ನಯನ ಬಜಕೂಡ್ಲು says:

    ನನಸಾಗದ ಕನಸುಗಳೆಲ್ಲ .
    ಚೆನ್ನಾಗಿದೆ.

  2. Shankari Sharma says:

    ಅರ್ಥಪೂರ್ಣ ಗಜಲ್.. ಚೆನ್ನಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: