ಹೂವು

Share Button

ಮುಗ್ಧತೆಯ ನಗು ಚೆಲ್ಲಿ
ಹಸಿರು ಎಲೆಗಳಲರಳಿ
ಕುಸುಮ ಕೋಮಲೆ
ನಿನ್ನದದಮ್ಯ ಚೆಲುವು !

ವಸುಂಧರೆಗೂ ಬೆರಗು
ಕಂಪೀಯುವಾ ಸೊಬಗು
ತಂಗಾಳಿ ಜೋಕಾಲಿ ತೂಗಿ
ನೀ ನಕ್ಕಾಗ ಗೆಲುವು !!

ಅರುಣ ಕಿರಣವ ಬೀರಿ
ಹೂದಳಗಳನು ಸವರಿ
ಇಬ್ಬನಿಯು ಕರಗುತಿರೆ
ನಸು ನಾಚಿದೇ ನಲಿವು !

ಮರಬಳ್ಳಿ ಲತೆ ಚಿಗುರಿ
ಮೈದುಂಬಿ ಶಾರ್ವರಿ
ಮೌನ ರಾಗದಿ ಹಾಡಿ
ತೋರಿದಳು ಒಲವು !!

ಬಣ್ಣ ಬಣ್ಣದ ಚಿತ್ತಾರ
ಮನ ಬನವು ಹಗುರ
ನವನವೀನತೆ ಕನಸು
ಭಾವಗಳು ಹಲವು !

ನಿಸರ್ಗ ಮೋಹಕ ಹೂವು
ಸೃಷ್ಟಿಯೈಸಿರಿ ಘಮವು
ಉಸಿರಿದ್ದಷ್ಟು ದಿನವಿಲ್ಲಿ
ಪರಿಮಳಿಸುತಿದೆ ಕೆಲವು !!

-ಪ್ರಮೀಳಾ ಚುಳ್ಳಿಕ್ಕಾನ.

2 Responses

  1. ನಯನ ಬಜಕೂಡ್ಲು says:

    ಹೂವಿನ ಸೊಬಗಿನ ವಿವರಣೆ ಯೊಂದಿಗೆ ಒಂದು ಸುಂದರ ವಾತಾವರಣದ ಸೃಷ್ಟಿಯಾಗುತ್ತದೆ ಈ ಸಾಲುಗಳನ್ನು ಓದುವಾಗ ಮನದಲ್ಲಿ

  2. Shankari Sharma says:

    ಚಂದದ ಸುಮವು ನವಿರಾಗಿ ಅರಳಿ ಸುಗಂಧ ಸೂಸಿದೆ ಈ ಸುಂದರ ಕವನದಲ್ಲಿ…

Leave a Reply to Shankari Sharma Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: