ಧ್ರುವ ತಾರೆ

Share Button

ಹೆತ್ತವರ ತೊರೆದು ನೀ ಹತ್ತಿರ ಬಂದಿರುವೆ
ನನ್ನಾಸ್ತಿ ಪ್ರೀತಿ ಅದನು ನಿನಗೆ ನಾ ಕೊಡುವೆ
ಏಕಾಂಗಿಯಾದೆನೆಂದು ತಗಿಬೇಡ ಕಣ್ಣೀರ
ನೀ ಅಳುತಲಿರೆ ಹೀಗೆ ನನ್ನೆದೆಯು ತುಸು ಭಾರ…..

ನನ್ನ ತಮ್ಮ – ತಂಗಿಯರ ಕಡೆಗಾಣದಿರು
ಅವರಿಗೆ ನಾವೇ ಎರಡನೇ ತಂದೆ- ತಾಯಂದಿರು
ನಿನ್ನೊಡನೆ ನನ್ನದು ಹೊಸ ಪಯಣ
ಗಂಡನಷ್ಟೇ ಅಲ್ಲ ನಾ ಪ್ರೇಮಿ ನಿನಗೆ ಪ್ರತಿಕ್ಷಣ…..

ಕೋಪದಲ್ಲಿ ಇರಬಹುದು ನಾ ರಾಕ್ಷಸ
ಹಳಿಯದಿರು ಮನಸೊಳಗೆ ಮಾಡುವೆನು ಸರಸ
ನನಗೆ ಸಹನೆಯು ಅಲ್ಪ
ನಿನಗಾಗಿ ಮಾಡುವೆ ಸಂಕಲ್ಪ…..

ನಿನ್ನೊಂದಿಗೆ ಆಡಿದರೆ ನಾ ಜಗಳ
ತಿಳಿಯೇ ನೀನು ಅದರ ತಿರುಳ
ನನ್ನ ತಾಯಿಯೊಂದಿಗೆ ಬೇಡ ಕಾದಾಟ
ಮಗಳೆಂದು ತಿಳಿದಾಳ ಇರಲಿ ಒಡನಾಟ…..

ಈ ಸೂರ್ಯ, ಚಂದ್ರ, ನಕ್ಷತ್ರಗಳೆಲ್ಲವನು ಮರೆತರೂ
ಕೊನೆಗೆ ನನ್ನನ್ನೇ ನಾ ಮರೆತರೂ
ಮರೆಯೆ ನಿನ್ನ ನನ್ನಾಣೆ
ಚಿಂತಿಸದಿರು ಹೇ ಜಾಣೆ
ನಿನ್ನ ಹೊರತು ನನಗೆ ಇನ್ಯಾರೇ?
ನೀನರಿಯೆ ನೀ ನನ್ನ ಧ್ರುವ ತಾರೆ……

ಜೀವ ಕೊಟ್ಟಳು ತಾಯಿ
ಪ್ರೀತಿಯಿತ್ತವಳು ತಾಯಿ
ಉಳಿದ ಜಿವನಕೆ ನಾ ನಿನ್ನ ಅನುಯಾಯಿ
ನಾ ನಿನಗೆ- ನೀ ನನಗೆ ಇದುವೇ ಚಿರಸ್ಥಾಯಿ
ನೀವಿಬ್ಬರೂ ನನ್ನಯ ಜೀವ
ಅದು ಯಾವ ಪದಗಳಿಗೂ ಸಿಗದಂಥ ಅನುಭಾವ……

-ವಿದ್ಯಾ ಶ್ರೀ ಬಿ. ಬಳ್ಳಾರಿ

4 Responses

  1. $unil The Bo$$ says:

    ಗಂಡ ಹೆಂಡಿರ ಪ್ರೀತಿ ಕಾಣುವುದು

  2. ನಯನ ಬಜಕೂಡ್ಲು says:

    ಸಮರಸವೇ ಜೀವನ, ನೋವು ನಲಿವೆರಡರ ಜೊತೆ ಜೊತೆ ಸಾಗುವುದೇ ಪಯಣ. Nice

  3. ASHA nooji says:

    NICE

  4. Anonymous says:

    ಸಮರಸದ ಬಾಳಿಗೆ ನಲ್ಗವನ ಚೆನ್ನಾಗಿದೆ.

Leave a Reply to ASHA nooji Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: