ಕಟಿಪಿಟಿ ರಾಧೆ

Share Button

ಇವಳು ಮಧುಬನದ ಖಾಲಿ
ಕಟಿಪಿಟಿ ರಾಧೆ
ಸೂರ್‍ಯಾಸ್ತ ಕಿರಣಗಳು ಹೊಳೆಯುತ್ತಿವೆ
ಪದರು ಬಿದ್ದ ಮೊಗದಲ್ಲಿ
ನೀಲಾಗಸ ನಿಸ್ತೇಜ ಕಂಗಳು ಇರುಳ
ಕಡಲಿನಂತೆ

ಹಳೆಯ ನೀಲಿ ಲೆಹಂಗಾದ ಕಿತ್ತು ಹೋದ
ಮಣಿ ಮುತ್ತು ಚಮಕಿಗಳ ಕಣ್ಣಲ್ಲಿ
ಕಣ್ಣಿಟ್ಟು ಹೊಲೆಯುತ್ತ ಉಸಿರ ಕೌದಿಯ ಹೊದ್ದು
ಜಪಿಸುತ್ತಲೇ ಇದ್ದಾಳೆ ಗುಂಗು ಹಿಡಿಸಿ
ಹೋದ ಮುರಳಿಗಾನವ

ಅವನೋ ಮಧುಮೋಹಿ ಮಾಧವ
ಗುಂಗುರು ತೀಡಿಕೊಂಡು ಕೆನ್ನೆಗುಳಿಯಲ್ಲಿ
ಬೊಂಬೆಗಳ ಕರಗಿಸುವಾತ
ಬಣ್ಣದ ಸಕ್ಕರೆ ಮಿಠಾಯಿಗಳ ಸೆಳೆತಕ್ಕೆ
ಸಿಲುಕಿ ನಲಿಯುವವ ಎಲ್ಲಿ ನೋಡುತ್ತಾನೆ
ಸಿಹಿ ಸೋರಿದ ಜೇನತಟ್ಟಿಯ

ಆದರೂ ನಿಶ್ವಿತ ರಾಧೆ,
ಬಂದೇ ಬರುತ್ತಾನೆ ಅವನು ಪಾನಿಪೂರಿ
ಮಸಾಲೆಯ ಹದ ಒಂದೇ ತಿಳಿದ ಮೇಲೆ
ಮೂರನೇ ಅಂಕದ ಪರದೆ ಮೇಲೆದ್ದ ಬಳಿಕ

ಆಗ ಮಾತ್ರ ನೀನು ಇಲ್ಲಿರಬೇಡ

-ದೀಪ್ತಿ ಭದ್ರಾವತಿ

   

5 Responses

  1. Hema says:

    ಚೆಂದದ ಕವನ

  2. ASHA nooji says:

    SUPER kavanq

  3. ಶಂಕರಿ ಶರ್ಮ says:

    ಕವನ ಚೆನ್ನಾಗಿದೆ.

  4. ನಯನ ಬಜಕೂಡ್ಲು says:

    “ಅವನೋ ಮಧು ಮೋಹಿ ಮಾಧವ,
    ಮುರಳಿಯ ಗಾನವ ನುಡಿಸಿ ಹೃನ್ಮನ ಗೆದ್ದವ,
    ದನಗಾಹಿ, ಗೊಲ್ಲ, ಮುಕುಂದ, ಯಾದವ,
    ಸರಿದ ಯುಗ ಯುಗಗಳಾಚೆಗೂ ಮಾನಿನಿಯರ ಮನ ಸೆಳೆದವ “.
    ಬಹಳ ಸುಂದರವಾಗಿದೆ ಕವಿತೆ

  5. Nagashree S says:

    ಬಹಳ ಚೆಂದ

Leave a Reply to Nagashree S Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: