ಚುನಾವಣೆ

Share Button

ಹಳ್ಳಿ ಹಳ್ಳಿಯಲ್ಲೂ
ದಿನದಿಂದ ದಿನಕ್ಕೆ
ಕಾವೇರುತ್ತಲಿದೆ
ಚುನಾವಣೆ ಕಾವು.

ಹಣ ಹೆಂಡಕ್ಕಾಗಿ
ಮಾರಾಟವಾಗಿದೆ
ಪ್ರಜಾಪ್ರಭುತ್ವದ ಪ್ರಭು
ಮತದಾರನ ಮತವು.

ಹಾದಿಬೀದಿಗಳಲ್ಲೂ
ಉಮೇದುವಾರರು
ಹಿಂಬಾಲಕರಿಂದ
ಪ್ರಚಾರ ಬಲುಜೋರು.

ಜಾತಿವಾರು ಮತಗಳ
ಬೇಟೆಯ ಲೆಕ್ಕಾಚಾರ
ನಾನೆಂದು ನಿಮ್ಮವನೆಂಬ
ನಟನೆಯ ಪ್ರಚಾರ.

ಹಣಹೆಂಡವಿಲ್ಲದ ಚುನಾವಣೆ
ಆಯೋಗದಿಂದ ಘೋಷಣೆ
ಕಾನೂನು ಚಾಪೆಯಡಿಯಲಿ
ಚುನಾವಣೆ ರಂಗೋಲಿಯಡಿಯಲಿ.

ಚುನಾವಣೆಯ ದಿನದಂದು
ಮತಗಟ್ಟೆತನಕ ರಾಜ ಮರ್ಯಾದೆ
ಕೈಬೆರಳಿಗೆ ಮಸಿಬೀಳುವವರೆಗೆ
ಕೈಕಾಲು ಹಿಡಿಯುವರು ನಮಗೆ.

ಸೋತವರದು ಮನೆಯ ಕಡೆಗೆ
ಗೆದ್ದವರದು ಭರ್ಜರಿ ಮೆರವಣಿಗೆ
ಮುಂದಿನ ಚುನಾವಣೆಯ ಬರೋತನಕ
ಮತದಾರರ ಮರೆತೇ ಬಿಡುವ ನಾಯಕ.

-ಶಿವಮೂರ್ತಿ.ಹೆಚ್, ದಾವಣಗೆರೆ.

6 Responses

  1. ನಯನ ಬಜಕೂಡ್ಲು says:

    ವಾಸ್ತವ

  2. ಬಿ.ಆರ್.ನಾಗರತ್ನ says:

    ವಾಸ್ತವ ಜಗತ್ತಿನ ಒಂದು ರಾಜಕೀಯ ನೋಟವನ್ನು ಈ ಕವನದಲ್ಲಿ ಬಿತ್ತರಿಸಿದ ಬಗೆ ಚೆನ್ನಾಗಿ ಮೂಡಿ ಬಂದಿದೆ.ಅಭಿನಂದನೆಗಳು.

  3. ಶಂಕರಿ ಶರ್ಮ, ಪುತ್ತೂರು says:

    ಕೊಳಕು ರಾಜಕೀಯಕ್ಕೆ ಕನ್ನಡಿ ಹಿಡಿದಿರುವ ಸೊಗಸಾದ ಕವನ

Leave a Reply to ಬಿ.ಆರ್.ನಾಗರತ್ನ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: