ಅಂತರಗಂಗೆ 

Share Button

ಬೆಳೆಯಲು ಬಿಡದೇ ತಡೆದಂತೆ ಬೆಳೆಯುತ್ತೆ
ನೆನಪಿನ ನೋವು ಕಳೆಯಂತೆ
ಸೋತು ಸೊರಗಿ ಕೈ ಚೆಲ್ಲಿದಾಗ
ಹಟ ಕುಡುಗೋಲಾಗಿ ಕೈ ಸೇರುತ್ತೆ
ಆಗ ಕತ್ತರಿಸಿ ಒತ್ತರಿಸಿದರೇ
ಕಳೆಯಾಗಿ ಕಾಡುವ ನೋವನ್ನು
ಹದವಾದ ನೆಲವೀಗ ಮನವು

ಬಿತ್ತುತ್ತೇನೆ ಒಂದಿಷ್ಟು ಸಂತೋಷವನ್ನು
ಸಂತೋಷವೆಂದರೆ ನೀನೇ.. ಅಂತಲ್ಲ
ಸಾಂತ್ವನಪರಿಯರಿತ ಸ್ವಾರ್ಥ ಚೌಕಟ್ಟು ಮೀರಿದ
ಸಂಗಾತ ನೀಡುವ ಸಕಲವೂ ಸರಿ

ಒಂದು ತುಂತುರು, ನಯವಾಗಿ ಸೋಕುವ ತಂಗಾಳಿ
ಬಯಲ ಹಸಿರು, ತಲೆದೂಗುವ ಚೆಂಗುಲಾಬಿ
ಹಾರುವ ಹಕ್ಕಿ, ತಾರಾಡುವ ಚಿಟ್ಟೆ
ಆಗಸದ ನೀಲಿ..  ಅಗಣಿತ ನಕ್ಷತ್ರ
ಹರಿಯುವ ತೊರೆ, ಭೋರ್ಗರೆಯುವ ಜಲಪಾತ
ಜಂಗಮ ನದಿ, ಸ್ಥಾವರ ಕಡಲು
ಓಗೊಟ್ಟು ಕಿವಿಗೊಟ್ಟರಾಯಿತು
ಅಂತರಂಗ ಬಹಿರಂಗವಾಗಲು
ಬಹಿರಂಗ ಅಂತರಗಂಗೆಯಾಗಲು!!

-ರೋಹಿಣಿಸತ್ಯ

4 Responses

  1. Dharmanna dhanni says:

    ಅರ್ಥಪೂರ್ಣವಾದ ಕವನ. ಧನ್ಯವಾದಗಳು

  2. ನಯನ ಬಜಕೂಡ್ಲು says:

    ಪ್ರಕೃತಿಯ ಸಾಮಿಪ್ಯದಲ್ಲಡಗಿರುವ ನೆಮ್ಮದಿ ಎಂತಹುದು ಅನ್ನುವುದನ್ನು ವ್ಯಕ್ತ ಪಡಿಸುವ ಸಾಲುಗಳು. ಚೆನ್ನಾಗಿದೆ ಮೇಡಂ ಕವನ.

  3. Hema says:

    “ಓಗೊಟ್ಟು ಕಿವಿಗೊಟ್ಟರಾಯಿತು ..ಅಂತರಂಗ ಬಹಿರಂಗವಾಗಲು….ಬಹಿರಂಗ ಅಂತರಗಂಗೆಯಾಗಲು….. ” ಈ ಸಾಲು ಬಹಳ ಇಷ್ಟವಾಯಿತು. ಚೆಂದದ ಕವನ.

  4. ಶಂಕರಿ ಶರ್ಮ says:

    ನಮ್ಮ ಭಾವನೆ, ಜೀವನ ಇತ್ಯಾದಿಗಳಿಗೆ ಪ್ರಕೃತಿಯೊಂದಿಗಿರುವ ಅವಿನಾಭಾವ ಸಂಬಂಧವನ್ನು ಸೊಗಸಾಗಿ ನಿರೂಪಿಸಿರುವಿರಿ ತಮ್ಮ ಕವನದ ಮೂಲಕ..ಧನ್ಯವಾದಗಳು ಮೇಡಂ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: