ಈಗೇನೂ ಉಳಿದಿಲ್ಲ ………

Share Button
 

 
ಮಟ ಮಟ ಮಧ್ಯಾಹ್ನ
ಕಾದ ಕಡಲ ತೀರದಿ
ಮಳಲ ಹಾಸಿನ ಮೇಲೆ
ಮೂಡಿದ ಹೆಜ್ಜೆ ಗುರುತುಗಳು
ಅಲೆಯ ರಭಸಕ್ಕೆ ಅಳಿಸಿಹೋಯಿತು
ಬೆಸ್ತರ ಬಲೆಯ ಜಾಲದ
ಕುಣಿಕೆಗೆ ಸಿಲುಕಿ
ಜೀವ ತೆತ್ತ
ಅಮಾಯಕ  ಮೀನಿನ ಹಾಗೆ !!
.

ಪಶ್ಚಿಮ ದಿಗಂತದಲ್ಲಿ
ಇಂಚಿಂಚಾಗಿ ಕರಗುವ
ಕೆಂಪು ಸೂರ್ಯನ ಮುಸ್ಸಂಜೆ  ( ಇಳಿಸಂಜೆ )
ಎದೆ ತೆರೆದು ಪಿಸುಗುಟ್ಟುವ
ಮುಗ್ಧ ಹೃದಯಗಳು
ಕತ್ತಲು ಕಳೆಯುವ ಹೊತ್ತಿಗೆ
ಸುಳಿಗೆ ಸಿಕ್ಕು
ಇಟ್ಟ ಹೆಜ್ಜೆಯ ಹುಡುಕುತ್ತಾ
ಮೆಲ್ಲನೆದ್ದವರು ……
ಸುಂಕವಿಲ್ಲದೆ ಬಂದ ದಾರಿಗೆ
ಮರಳುವ ಕಡಲ ಅಬ್ಬರದಲೆಗಳು
ಈಗ ಶಾಂತ !
ಅಳಿಸಿ ಹೋದ ಚಿತ್ರದಂತೆ
ಈಗೇನೂ ಉಳಿದಿಲ್ಲ …….
ಭಗ್ನ ಪ್ರೇಮಿಗಳ ಹಾಗೆ !
.
-ಪ್ರಭಾಕರ ತಾಮ್ರಗೌರಿ ಗೋಕರ್ಣ  

3 Responses

  1. ನಯನ ಬಜಕೂಡ್ಲು says:

    ಚೆನ್ನಾಗಿದೆ ಕವಿತೆ

  2. ಅರ್ಥಪೂರ್ಣವಾಗಿದೆ ಕವನ.ಧನ್ಯವಾದಗಳು

  3. ಶಂಕರಿ ಶರ್ಮ says:

    ಉಳಿದುದುದು ನೆನಪು ಮಾತ್ರ…ಮತ್ತೇನೂ ಉಳಿದಿಲ್ಲ. ಚಂದದ ಭಾವಪೂರ್ಣ ಕವನ.

Leave a Reply to dharmanna dhanni Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: