ಎಚ್ಚರ..

Share Button

ಉಲ್ಲಸಿತ ಮನಸ್ಸಿನ ಸೊಲ್ಲಡಗಿಹೋಗಿ
ಎಲ್ಲಾ ಅಯೋಮಯ ಏನೋ ಭಯ
ಸುಮ್ಮನೆ ಸುತ್ತುತ್ತಿದ್ದ ಭೂಮಿಯಲ್ಲಿ ಎನೋ ವ್ಯತ್ಯಾಸ
ಯಾರೋ ತಡೆದು ನಿಲ್ಲಿಸಲು ಹೊರಟಿರುವಂತೆ ಭಾಸ

ಯಾರೋ ಅಟ್ಟಿಸಿಕೊಂಡು ಬರುವಂತೆ ಖುರಪುಟಗಳ ಸದ್ದು
ಎಲ್ಲರೂ ಓಡುತ್ತಿರುವಂತೆ ಎದ್ದು ಬಿದ್ದು
ಹೋರಾಟ ಕಷ್ಟ ,ದಾರಿಯೂ ಅಸ್ಪಷ್ಟ
ತಪ್ಪಿಸಿಕೊಳ್ಳುವುದೇ ಈಗ ಸರಿಯಾದ ಆಟ
ಕರುಣೆಗಳ ಮರೆತ ಕ್ರೂರ ಜಗತ್ತು
ಇಲ್ಲಿಯ ನಾಳೆಗಳು ಹೇಗೋ ಯಾರಿಗೆ ಗೊತ್ತು

ಹುಟ್ಟಿದ ಮೇಲೆ ಇಡುವ ಹೆಜ್ಜೆಯೇ ಮರಣದೆಡೆಗಲ್ಲವೇ
ಧೃತಿಗೆಡದೆ ಮತಿಗೆಡದೆ ಎಚ್ಚರವಿರಲಿ ಮನದೆ
ಕಳೆದುಹೋಗಲಿದೆ ಕೆಟ್ಟದಿನಗಳಿವು
ಮತ್ತೆ ಮರಳಿ ಬರಲಿದೆ ಸ್ವಸ್ಥ ಹೊಸತನವು

-ನಟೇಶ ( ಬಿ ಸಿ ನಾರಾಯಣ ಮೂರ್ತಿ) ,ಮೈಸೂರು  

4 Responses

  1. ನಾಗರತ್ನ ಬಿ.ಆರ್ says:

    ವಾಸ್ತವ ಸಂಗತಿಯ ಅನಾವರಣವನ್ನು ಮಾಡಿ ಸಕಾರಾತ್ಮಕ ಚಿಂತನೆಯೊಂದಿಗೆ ಮುಕ್ತಾಯಮಾಡಿರವ ಕವನ ಸರಳ ಸುಂದರವಾಗಿ ಮೂಡಿ ಬಂದಿದೆ ಸಾರ್

  2. ನಯನ ಬಜಕೂಡ್ಲು says:

    ಬ್ಯೂಟಿಫುಲ್

  3. Anonymous says:

    ವಂದನೆಗಳು ಮೇಡಮ್

  4. ಶಂಕರಿ ಶರ್ಮ says:

    ಹೌದು.. ಸದಾ ಆಶಾಭಾವ ಹೊತ್ತ ಜೀವನವು ನಮ್ಮದಾಗಬೇಕು.. ಚಂದದ ಕವನ.

Leave a Reply to ಶಂಕರಿ ಶರ್ಮ Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: