ಮನದ ಮನೆ

Share Button

ಅಲ್ಲೊಂದು ಅರಮನೆ. ವಿಶಾಲವಾದ ಮನೆ. ಹೆಬ್ಬಾಗಿಲು ಮುಚ್ಚಿತ್ತು. ಬಲವಾಗಿ ತಳ್ಳಿದೆ. ತೆರೆದುಕೊಂಡಿತು. ಒಳಗಿನಿಂದ ಚಿಲಕ ಹಾಕಿರಲಿಲ್ಲ. ಒಳ ನಡೆದೆ. ಆಗಲೋ ಈಗಲೋ ಕತ್ತಲಾವರಿಸುವಂತಿತ್ತು. ಮುಸ್ಸಂಜೆಯ ಮಂದ ಬೆಳಕು. ಮನೆ ಚೆನ್ನಾಗಿ ಅಲಂಕರಿಸಲ್ಪಟ್ಟಿತ್ತು. ಮನೆಯೊಳಗಿರಬೇಕಾದ ಎಲ್ಲ ಬಗೆಯ ಸೌಕರ್ಯಗಳೂ ಇದ್ದವು. ಅಂದದ ಚಂದದ ಮನೆಯೊಳಗೆ ಮನಸುಗಳ ಸುಳಿವೇ ಇರಲಿಲ್ಲ. ಖಾಲಿ ಖಾಲಿ. ಒಳ ಹೋದಂತೆ ಕತ್ತಲು. ಬರೀ ಜೇಡಗಳ ಬಲೆ ತುಂಬಿಕೊಂಡಿತ್ತು. ಉಸಿರು ಕಟ್ಟುವಂತಾಯಿತು. ಮೈ ಎಲ್ಲ ಬಲೆ ಅಂಟಿಕೊಂಡಿತು; ಬಿಡಿಸಲಾಗದ ಸಂಬಂಧಗಳಂತೆ. ಅಸಹ್ಯವಾಯಿತು. ಕಿಟಕಿ ಬಾಗಿಲುಗಳೆಲ್ಲ ಮುಚ್ಚಿಕೊಂಡಿದ್ದವು.ಹೊರಗಿಂದ ಯಾವ ಸದ್ದೂ ಕೇಳುತ್ತಿರಲಿಲ್ಲ. ಧೂಳು.. ಹೆಜ್ಜೆಯ ಅಚ್ಚು ತೆಗೆದಿತ್ತು. ಸ್ವಚ್ಛವಿರದ ಮನೆಯೊಳಗೆ ದುರ್ಗಂಧ ಹರಡಿ ಹೊಟ್ಟೆ ತೊಳೆಸುವಂತಾಯಿತು. ಭಯವೂ ಆಯಿತು. ‘ ಬೇಗ ಮರಳಬೇಕು ಮನೆಯಿಂದ‘, ಎನಿಸಿತು

ಹೊರಡಲೇ? ಬೇಡ..

ಹೊರಡುವ ಮುನ್ನ ಕಿಟಕಿ ಬಾಗಿಲುಗಳನ್ನು ತೆರೆಯೋಣವೆನಿಸಿತು. ತೆರೆದೆ. ತಂಪಾದ, ಹಿತವಾದ ಗಾಳಿ ದುರ್ಗಂಧವ ತೂರಿ ಒಳ ಬಂತು. ಸ್ವಲ್ಪ ಹೊತ್ತಿಗೆ ದುರ್ಗಂಧ ಮರೆಯಾಗಿ ಶ್ವಾಸ ಬಿಡುವಂತಾಯಿತು. ಧೂಳೆಲ್ಲ ಒರೆಸಿದಾಗ ಶುದ್ಧವಾಯಿತು. ಬಲೆಯ ಬಂಧನದ ಭಯವೂ ಬಿಟ್ಟಿತು. ಪುಟ್ಟ ಹಣತೆಯೊಂದಿತ್ತು. ಮುಸ್ಸಂಜೆಯು ಜಾರಿ ಕತ್ತಲಾವರಿಸಲು ಹಣತೆ ಬೆಳಗಿತು. ಮನೆಯೆಲ್ಲ ಬೆಳಕು ತುಂಬಿತು. ಹೊರಬಂದು ನೋಡಿದೆ. ಮನೆ ನಕ್ಷತ್ರದಂತೆ ಹೊಳೆಯುತ್ತಿತ್ತು. ಮತ್ತೆ ಮನೆಗೆ ಮರಳುವ ಮನಸಾಯಿತು. ಮತ್ತಷ್ಟು ಮನಸುಗಳು ಮನೆಯೊಳಗೆ ಮನೆ ಮಾಡಿದವು. ಮನೆ ತುಂಬಿತು. ಅಂದವಾದ ಅರಮನೆಯಾಯಿತು.

-ಸ್ವಪ್ನ ಪಿ ಎಸ್

16 Responses

  1. Pramoda Kallaje says:

    keep going, nice wordings.

  2. ನಯನ ಬಜಕೂಡ್ಲು says:

    Beautiful

  3. Hema says:

    ಚಿಕ್ಕ ಚೊಕ್ಕ ಕತೆ..ಚೆನ್ನಾಗಿದೆ.

  4. ಮನೆಯ ದೀಪ ಬೆಳಗುವ ಮಹಾತ್ಮರು ಬರಬೇಕಲ್ಲ ಕಥೆ ಚೆನ್ನಾಗಿದೆ

  5. ಶಂಕರಿ ಶರ್ಮ says:

    ನಮ್ಮೊಳಗಿನ ದನಿ..ಆತ್ಮದ ಮಾತು ಎಂದರೆ ಇದೇ ಏನೋ..
    ಭಾವಪೂರ್ಣ ಕವನ ಚೆನ್ನಾಗಿದೆ.

  6. ನಾಗರತ್ನ ಬಿ. ಅರ್. says:

    ಕೊಂಚ ಯೋಚಿಸಿ ಮತ್ತೊಮ್ಮೆ ಓದಿ ಅರ್ಥೈಸುವ ಕವನ ಅಭಿನಂದನೆಗಳು ಮೇಡಂ.

  7. Padma Anand says:

    ಮನೆ ಮತ್ತು ವಸತಿಯ ನಡುವೆ ಇರುವ ವ್ಯತ್ಯಾಸವನ್ನು ಸೊಗಸಾಗಿ ತಿಳಿಸಿದ್ದೀರ. ಅಭಿನಂದನೆಗಳು.

Leave a Reply to Hema Cancel reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: