ಪಾರಿಜಾತ

Spread the love
Share Button

1
ಶಿಲೆ ದೇವರ
ತಲೆಯ ಮೇಲೆ
ಪುಟ್ಟ ಪಾರಿಜಾತ
ಮಾಡುತ್ತಿದೆ ತಪ!

2
ಅಭಿಷೇಕಗೊಂಡ
ವಿಗ್ರಹ ತಂಪಾಗಿದೆ
ಶಿರವೇರಿದ ಪಾರಿಜಾತ
ಬಾಡದು ಬೇಗದೆ

3
ವಿಗ್ರಹ ಕಲ್ಲಿನದು
ಎಂದು ಹೇಳುವಾಗ ಅರ್ಚಕ,
ತನ್ನ ಎಸಳ ಮೃದುವಿಗೆ
ಬೇಸರಿಸಿತಾ ಪಾರಿಜಾತ!

4
ಭಕ್ತನುಡಿದ
“ಸಾವಿರ ವರ್ಷದ ವಿಗ್ರಹ
ಇಂದಿಗೂ ಹೊಳೆಯುತ್ತಿದೆ, ಆಹಾ!”
ಪಾರಿಜಾತ ನಿರ್ಮಾಲ್ಯವಾಗುವ
ಸಮಯವಾಗಿತ್ತು ಆಗ

5
ಭಕ್ತನ ಕೈಗೆ
ಜಾರುವಾಗ ಪಾರಿಜಾತ
ನೆಲದ ಮೇಲೆ
ಒಣಗುವ ಸುಖಕ್ಕೇ ಆಸೆಪಟ್ಟಿತ!?

6
ಹಕ್ಕಿ ಕೊರಳು
ಪಾರಿಜಾತದ ಅರಳು
ಸುಸ್ವರಕ್ಕೆ ಪರಿಮಳ
ದ ಮೆರುಗು
ಶುಭ್ರ ಬೆಳಗು

7
ಮುಂಜಾನೆ ಫಳಫಳಿಸಿದ
ಮಂಜು ಹನಿಗೆ ಅವಸರ,
ಪಾರಿಜಾತಕ್ಕೆ
ನಶ್ವರದ ಪಾಠ
ಹೇಳುವ ತವಕ

– ಅನಂತ ರಮೇಶ್

14 Responses

  1. ನಾಗರತ್ನ ಬಿ. ಅರ್. says:

    ಸರಳ ಸುಂದರ ಕವನ ಚೆನ್ನಾಗಿದೆ ಮೇಡಂ

  2. Hema says:

    ಪಾರಿಜಾತ ಎಸಳಿನಷ್ಟೇ ನವಿರಾದ ಭಾವಗಳು..ಚೆಂದದ ಹನಿಗವನಗಳು.

  3. ನಯನ ಬಜಕೂಡ್ಲು says:

    Beautiful

  4. Padma Anand says:

    ಸೂಕ್ಷ್ಮ ಭಾವನೆಗಳನ್ನು ನವಿರಾಗಿ ಮೀಟುವ ಹನಿಗವನಗಳು ಸೊಗಸಾಗಿವೆ.

  5. Vathsala says:

    ಜೀವನದ ಪಾಠವನ್ನು ಪಾರಿಜಾತ ಹೇಳುವ ಪರಿ ಸೊಗಸಾಗಿದೆ.

  6. Anonymous says:

    ಮಧುರ ಸುಗಂಧದ ಪಾರಿಜಾತವು ದೇವರ ಮುಡಿಗೇರಿ ತನ್ನ
    ನಶ್ವರತೆಯಲ್ಲೂ ಸಾರ್ಥಕತೆಯನ್ನು ಹೊಂದಿದ ಅನನ್ಯತೆ ಕವನದಲ್ಲಿ ಸೊಗಸಾಗಿ ಮೂಡಿಬಂದಿದೆ.

  7. Anonymous says:

    ಮಧುರ ಸುಗಂಧದ ಸೊಗದ ಪಾರಿಜಾತವು ದೇವನ ಮುಡಿಗೇರಿ ತನ್ನ ನಶ್ವರತೆಯಲ್ಲೂ ಸಾರ್ಥಕತೆಯನ್ನು ಪಡೆದ ಭಾವ ಬಹಳ ಚೆನ್ನಾಗಿ ಕವನದಲ್ಲಿ ಮೂಡಿಬಂದಿದೆ.

  8. ಶಂಕರಿ ಶರ್ಮ says:

    ಮಧುರ ಸುವಾಸನೆಯ ಪಾರಿಜಾತವು ದೇವನ ಮುಡಿಗೇರಿ ತನ್ನ ನಶ್ವರ ಬಾಳಿನಲ್ಲೂ ಸಾರ್ಥಕತೆಯನ್ನು ಪಡೆಯುವ ಪರಿಯನ್ನು ಬಿಂಬಿಸಿದ ಚಂದದ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: