ಪ್ರೀತಿ

Spread the love
Share Button

 

ಪ್ರೀತಿಯ ನೆನಪೆಂದರೆ
ವೈಶಾಖದ ಮೊದಲ ಮಳೆಯ ಮಣ್ಣಿನ ಘಮಲು
ಪ್ರೀತಿಯ ಆನಂದವೆಂದರೆ
ಮಳೆಯಿಂದ ಹಸಿರುಟ್ಟು ನಗುವ ಇಳೆ
ಪ್ರೀತಿಯ ಹಿತವೆಂದರೆ
ಕೊರೆವ ಮಾಗಿಕಾಲದ ಎಳೆ ಬಿಸಿಲು.
ಪ್ರೀತಿಸುವ ಸುಖವೆಂದರೆ
ಭುವಿಗೆ ಚೆಲ್ಲಿದ ಪಾರಿಜಾತದ ಸೊಗಸು

ಪ್ರೀತಿಯ ಚೆಂದವೆಂದರೆ
ಬಾಗಿದ ಹೊಂಬಣ್ಣದ ಬತ್ತದ ತೆನೆ
ಪ್ರೀತಿಯ ಪರಿಮಳವೆಂದರೆ
ಗಾಳಿಯಲಿ ಬೆರೆತ ಮಲ್ಲಿಗೆಯ ಘಮ.
ಪ್ರೀತಿಯ ಸ್ಪರ್ಶವೆಂದರೆ
ಬಿರು ಬಿಸಿಲಲಿ ಬೀಸಿದ ತಂಗಾಳಿ
ಪ್ರೀತಿಯ ಧ್ಯಾನವೆಂದರೆ
ಹೂ ಕಾಯಿ ಹಣ್ಣಾಗಿ ಮಾಗುವ ಕ್ರಿಯೆ
ಪ್ರೀತಿಯ ರೂಪವೆಂದರೆ
ಕಾರಣಗಳಿಲ್ಲದ ಹೆತ್ತವ್ವನ ಮಮಕಾರ.
ಪ್ರೀತಿಯ ಅಂತ್ಯವೆಂದರೆ
ಚಿಗುರಿಗೆಡೆ ಮಾಡಿ ಕಳಚಿದ ಹಣ್ಣೆಲೆ.

-ಎಂ. ಆರ್. ಅನಸೂಯ

21 Responses

  1. ನಿಮ್ಮ ಪ್ರಿತಿಯ ಕವನ ಚೆನ್ನಾಗಿದೆ. ಧನ್ಯವಾದಗಳು

  2. ನಾಗರತ್ನ ಬಿ. ಅರ್. says:

    ಪ್ರೀತಿಯು ಹಲವು ಮಗ್ಗಲುಗಳನ್ನು ಕವನದಲ್ಲಿ ಕಟ್ಟಿಕೊಟ್ಟಿರುವ ರೀತಿ ಮುಂದೆ ತಂದಿತು.ಅಭಿನಂದನೆಗಳು ಮೇಡಂ.

  3. Hema says:

    ಪ್ರೀತಿಯ ವಿವಿಧ ಆಯಾಮಗಳ ವಿಶ್ಲೇಷಣೆ ಸೊಗಸಾಗಿದೆ.

  4. ನಯನ ಬಜಕೂಡ್ಲು says:

    ಪ್ರೀತಿಗೂ ಪ್ರಕೃತಿಗೂ ಅವಿನಾಭಾವ ನಂಟು. ಪ್ರಕೃತಿಯ ಒಡನಾಟದಲ್ಲೇ ಹುಟ್ಟುವುದು ಪ್ರೀತಿ. ತುಂಬಾ ಸುಂದರವಾದ ಕವನ.

  5. Padma Anand says:

    ಪ್ರೀತಿಯ ನವಿರಾದ ಭಾವಗಳನ್ನು ಪ್ರಕೃತಿಯ ಸುಂದರತೆಯೊಂದಿಗೆ ಮೇಳೈಸಿ ಕಟ್ಟಿರುವ ಪ್ರೀತಿಯ ಕವಿತೆ ಪ್ರೀತಿಪಾತ್ರವಾಗುತ್ತದೆ. ಅಭಿನಂದನೆಗಳು

  6. SHRAVANA KUMARI T S says:

    ಚಂದದ ಕವಿತೆ

  7. Dhanu says:

    Super gurugale

  8. Anonymous says:

    ಕವನ ತುಂಬಾ ಚೆನ್ನಾಗಿದೆ ಮೇಡಂ

  9. Anonymous says:

    ಪ್ರೀತಿಯ ಪ್ರತಿ ಮಜಲುಗಳನ್ನು ತೆರೆದಿಟ್ಟ ಸುಂದರ ಕವನ.

  10. ಶಂಕರಿ ಶರ್ಮ says:

    ಪ್ರೀತಿಯ ಪ್ರತಿ ಮಜಲುಗಳನ್ನೂ ತೆರೆದಿಟ್ಟ ಸೊಗಸಾದ ಕವನ.

  11. padmini kadambi says:

    ಕವನದ ಮುಕ್ತಾಯ ಅರ್ಥಪೂರ್ಣವಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: