ಮುಳ್ಳ ಬೇಲಿಯ ಹೂವು

Spread the love
Share Button

ಮುಳ್ಳ ಬೇಲಿಯ ಮೇಲೆ
ಬಳ್ಳಿ ಹೂವದು ಹರಡಿ
ಘಮಿಸುತಿದೆ ಪರಿಮಳವ ಒಲವು ಹೆಚ್ಚಿ….
ಅಂತರಂಗದ ತಮವ
ಕಳೆಯಲೆಂದೇ ನಾನು
ಹೊರಟಿಹೆನು ಕತ್ತಲಲಿ ದೀಪ ಹಚ್ಚಿ….

ಘಮವ ಬೀರುವ ಹೂವು
ಉಳಿಯುವುದೇ ಗಿಡದಲ್ಲಿ
ಬಗೆ ಬಗೆಯ ಕಾರಣಕೆ ಬಲಿಯದಾಗಿ
ನನ್ನಿರವು ನನ್ನುಳಿವು
ನನ್ನದಾಗುಳಿಯುವುದೇ?
ಹೋರಾಡುತಿರುವೆ ನಾನಲ್ಲಿ ಏಕಾಂಗಿ…

ಹೂವ ಬಂಧಿಸಬಹುದು
ಬಗೆ ಬಗೆಯ ರೀತಿಯಲಿ
ಗಾಳಿ ಗಂಧದ ಜತೆಯ ಬಿಡಿಸಬಹುದೇ….
ಕುಗ್ಗಿಸಿಯು ಬಗ್ಗಿಸಿಯು
ಜಗ್ಗಲಾರೆನು ನಾನು
ಹಿಗ್ಗಿ ಬೆಳೆಯುವ ಇಚ್ಛೆ ನೂರ್ಮಡಿಸಿದೇ….

ವಿದ್ಯಾಶ್ರೀ ಅಡೂರ್, ಮುಂಡಾಜೆ

11 Responses

  1. ನಯನ ಬಜಕೂಡ್ಲು says:

    ತುಂಬಾ ಚೆನ್ನಾಗಿದೆ ಕವನ.

  2. ASHA nooji says:

    ಸೂಪರ್ ಕವನ

  3. ನಾಗರತ್ನ ಬಿ. ಅರ್. says:

    ತನ್ನಿರುವಿಕೆಗಾಗಿ ಹೋರಾಟದ ಮೂಲಕ ಬದಕಲಾಷಿಸುವ ಮುಳ್ಳು ಬೇಲಿ ಯ ಹೂವಿನ ಕವನ.ಅರ್ಥಪೂರ್ಣವಾಗಿ ಮೂಡಿ ಬಂದಿದೆ ಅಭಿನಂದನೆಗಳು.

  4. Anonymous says:

    ಚಂದದ ಲಹರಿ. ನಿಮ್ಮ ಕವನಗಳಲ್ಲಿ ಪ್ರೌಢಿಮೆಯಿದೆ.ಅಭಿನಂದನೆಗಳು ಮೇಡಂ

  5. padmini says:

    ಗಾಳಿ ಗಂಧದ ಜತೆಯ ಬಿಡಿಸ ಬಹುದೇ! – ಅರ್ಥಪೂರ್ಣ ಚಿಂತನೆ

  6. ವಿದ್ಯಾ says:

    ಸೊಗಸಾಗಿ ಮೂಡಿ ಬಂದ ಕವನ

  7. ಶಂಕರಿ ಶರ್ಮ says:

    ಬೇಲಿ ಹೂವಿನ ಸ್ವಗತ ಬಹಳ ಚೆನ್ನಾಗಿ ಮೂಡಿಬಂದಿದೆ…ತಮ್ಮ ಕವನದಲ್ಲಿ.

  8. ಆಶಾ says:

    ತುಂಬಾ ಚೆನ್ನಾಗಿದೆ ಕವನ..ಕೊನೆಯ ಸಾಲಂತೂ ಅಧ್ಬುತವಾಗಿ,
    ಸಾಧನೆ ಮಾಡಲು ಪ್ರೇರೇಪಿಸಿದಂತಿದೆ..

  9. Padma Anand says:

    ಸುಂದರ ಅರ್ಥಗರ್ಭಿತ ಕವಿತೆ. ಜೀವನವನ್ನೂಸಹ, ಹೂವಿನಂತೆ ಸೂಕ್ಷ್ಮವಾದರೂ ಸುಗಂಧ ಪಸರಿಸಿ ಸಾರ್ಥಕಗೊಳಿಸಿಕೊಳ್ಳಬಹುದು ಎಂಬ ಅಭಿಲಾಷೆ ಮೆಚ್ಚುಗೆಯಾಯಿತು.

  10. Anonymous says:

    ಮುಳ್ಳ ಬೇಲಿಯ ಹೂವಿನ ಬಗ್ಗೆ ಕವನ ಬೇಲಿ ಇಲ್ಲದೆ ಚೆನ್ನಾಗಿ ಓದಿದೆ. ಚೆನ್ನಾಗಿ ಮೂಡಿ ಬಂದಿದೆ ಸೋದರಿಗೆ ಅಭಿನಂದನೆಗಳು.

  11. Anonymous says:

    ‌ಚೆನ್ನಾಗಿ‌ ಮೂಡಿ ಬಂದಿದೆ ಕವನ .ಅಭಿನಂದನೆಗಳು.

Leave a Reply to ASHA nooji Cancel reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: