ಒಡಲ ಕಡಲು

Spread the love
Share Button

ಒಡಲೊಳಗಿನ ಕಡಲಲ್ಲಿ
ಭಾವನೆಗಳ ಉಬ್ಬರವಿಳಿತ
ಒಳಗೊಳಗೇ ಮುಗಿಬೀಳುವ
ಆಸೆಯ ಅಲೆಗಳ ತುಡಿತ
ಒಮ್ಮೆ ಸಮ್ಯಮ ಪ್ರಶಾಂತ
ಮತ್ತೊಮ್ಮೆ ಯಾರನ್ನೋ
ಎಳೆದು ತಂದುಬಿಡಬೇಕೆಂಬಂತೆ
ರಭಸ ಉದ್ರಿಕ್ತ
ಆಳ, ಪಾತಾಳಕ್ಕಿಳಿದಷ್ಟೂ
ಮೇಲೆತ್ತಿ ತರಲಾಗದಂತ,
ತಂದು ತೋರಲಾಗದಂತ
ಚಿಪ್ಪಿನೊಳಗೇ ಮುತ್ತಾಗಿ
ಮಲಗಿರುವ ಮನದೆಲ್ಲ ವೃತ್ತಾಂತ
ಅದೇಕೋ ತಂಪಾದ ಪೂರ್ಣ
ಚಂದ್ರಮನ ಕಂಡರೆ
ಎಂದೂ ಕಾಣದ
ಅಯಸ್ಕಾಂತದ ಸೆಳೆತ
ಯಾರೂ ಇಲ್ಲ ಕೇಳುವವರು
ರಾತ್ರಿಯ ಒಡಲಾಳದ ಮೊರೆತ

ನಟೇಶ

5 Responses

  1. ನಯನ ಬಜಕೂಡ್ಲು says:

    Beautiful. ಇಷ್ಟೇ ಬದುಕು, ಎಲ್ಲ ಭಾವಗಳ ಸಮ್ಮಿಲನ ಇಲ್ಲಿ.

  2. ನಾಗರತ್ನ ಬಿ. ಅರ್. says:

    ಅರ್ಥಪೂರ್ಣ ವಾದ ಕವನ ಚೆನ್ನಾಗಿದೆ ಸಾರ್

  3. Vathsala says:

    ಮನದಾಳದ ಹೊಯ್ದಾಟವನ್ನು ತುಂಬಾ ಚೆನ್ನಾಗಿ
    ಬಿಂಬಿಸಿದ್ದೀರ.

  4. Padma Anand says:

    ಮನದ ಹೊಯ್ದಾಟ ಸಾಗರದ ಹಾರಾಟದ ಸಮೀಕರಣ ಚೆನ್ನಾಗಿ ಮೂಡಿ ಬಂದಿದೆ

  5. ಶಂಕರಿ ಶರ್ಮ says:

    ಮನ ಕಡಲಿನಲ್ಲಿ ಭಾವನೆಗಳ ಏರಿಳಿತಗಳ ಸೊಗಸಾದ ಭಾವಪೂರ್ಣ ಕವನ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: