ಮುಗುಳ್ನಗೆ

Spread the love
Share Button

ಎಲ್ಲ ದೇಶಗಳಿಗೆ
ಎಲ್ಲ ಭಾಷೆಯ ಮಂದಿಗೆ
ಅರ್ಥವಾಗುವ ಮಾತು
ಮುಗುಳ್ನಗೆ

ಸಮಸ್ಯೆಗಳ ಬಲೆಯಿಂದ
ಕಷ್ಟಗಳ ಸುಳಿಯಿಂದ
ದೂರಕೊಯ್ಯುವ ದೋಣಿ
ಮುಗುಳ್ನಗೆ

ಮನಸ ಹಗುರತೆಗೆ
ಮುಖದಂದ ಸಿರಿಗೆ
ಅಳಿಸಲಾಗದ ಅಲಂಕಾರ
ಮುಗುಳ್ನಗೆ

ಪ್ರೇಮಾಂಕುರಕ್ಕೆ
ಸಲ್ಲಾಪ ಸಂಭ್ರಮಕ್ಕೆ
ನೀರನೆರೆಯುವ ನದಿಯೆ
ಮುಗುಳ್ನಗೆ

ದ್ವೇಷಗಳನಳಿಸಿ
ಆತ್ಮೀಯತೆ ಬೆಳೆಸಿ
ಚೆಂದ ಹಬ್ಬುವ ಬಳ್ಳಿ‌
ಮುಗುಳ್ನಗೆ

ಶಯ್ಯೆಯಲಿ ಕೊನೆ
ದಿನವನೆಣಿಸುವಲ್ಲಿ
ಬಂಧ ಮುಕ್ತಿಯಲ್ಲಿರಲಿ
ಮುಗುಳ್ನಗೆ

-ಅನಂತ ರಮೇಶ್

5 Responses

  1. ವಾವ್ ಅರ್ಥಪೂರ್ಣ ವಾದ ಕವನ…ಮೆಲಕು ಹಾಕುವಂತಿದೆ..
    ಧನ್ಯವಾದಗಳು ಸಾರ್.

  2. ನಯನ ಬಜಕೂಡ್ಲು says:

    ಸೊಗಸಾದ ಕವನ

  3. Padma Anand says:

    ಸುಂದರ ಕವಿತೆ.

  4. . ಶಂಕರಿ ಶರ್ಮ says:

    ಭಾವಪೂರ್ಣ ಕವನ…ಮುಗುಳ್ನಗೆ!

  5. Mittur Nanajappa Ramprasad says:

    ಮರೆಯಾಗುವುದು ಭೇದಗಳು ಮುಗುಳ್ನಗೆಯ ಮಂದಸ್ಮಿತದಲ್ಲಿ/
    ಸ್ನೇಹಭಾವದ ಮಹಾಪೂರವು ಹರಿಯುವುದು ಮುಗುಳ್ನಗೆಯಲ್ಲಿ/
    ತಾರತಮ್ಯವಿಲ್ಲದೆ ಬದುಕು ಹಸನಾಗುವುದು ಮಂದಹಾಸದಲ್ಲಿ/
    ಮೈತ್ರಿಯಾ ಹನಿಹನಿಗಳು ತುಂತುರಿಸುವುದು ಮುಗುಳ್ನಗೆಯಲ್ಲಿ/

    ಸೆರೆಯಾಗುವುದು ಹೃದಯಗಳು ಮುಗುಳ್ನಗೆಯ ಪ್ರಭಾವದಲ್ಲಿ/
    ಸದಾಶಯಗಳ ಪ್ರವಾಹವು ಪ್ರವಹಿಸುವುದು ಮುಗುಳ್ನಗೆಯಲ್ಲಿ/
    ವ್ಯತ್ಯಾಸಗಳಿಲ್ಲದೆ ಕ್ಷಣಗಳು ಸುಗಮವಾಗುವುದು ಹಸನ್ಮುಖದಲ್ಲಿ/
    ವೈವಿದ್ಯತೆಯಲಿ ಗರಿ ಕೆದುರುವುದು ಗೆಳೆತನವು ಮುಗುಳ್ನಗೆಯಲ್ಲಿ/

    ಮುಗುಳ್ನಗೆಯ ಮಹತ್ವವ ಚಿತ್ರಿಸಿರುವಿರಿ ಕವನದಲ್ಲಿ/
    ಬಿಡಿ ಬಿಡಿಯಾಗಿ ಬಿಡಿಸಿರುವಿರಿ ಜೀವನದ ಪ್ರಸಂಗಗಳಲ್ಲಿ
    ಮುಗುಳ್ನಗೆಯ ಮಹತ್ವವ ಚಿತ್ರಿಸಿರುವಿರಿ ಕವನದಲ್ಲಿ/
    ಭಾವ ಭಾವವಾಗಿ ಬಿಚ್ಚಿರುವಿರಿ ಬಾಳಿನ ಸಂದರ್ಭಗಳಲ್ಲಿ/

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: