ಶಕ್ತಿಶಾಲಿ…?

Spread the love
Share Button

ಬಯಲಿನಲಿ ಹೆಮ್ಮರವೊಂದು ಸೆಟೆದು ನಿಂತಿತ್ತು ಹಮ್ಮು ಬಿಮ್ಮುನಲಿ

ವಿಶಾಲವಾಗಿ ಹರಡಿಕೊಂಡಿರುವ ರೆಂಬೆ ಕೊಂಬೆಗಳು
ರಕ್ಕಸ ಮರದ ತುಂಬ ಹಚ್ಚ ಹಸುರಾದ ಎಲೆಗಳು

ನಕ್ಕು ನಲಿದಿತ್ತು ಆಳಕ್ಕಿಳಿದ ಬೇರುಗಳಿಂದ ಪೋಷಕಾಂಶಗಳ ಪಡೆಯುತಲಿ
ಅಹಂಕಾರದಲಿ ಮೆರೆದಿತ್ತು ತಿರುಚಿದ ಬಲವಾದ ಕಾಂಡದ ಬೆಂಬಲದಲಿ

ಹಿಯ್ಯಾಳಿಸಿ ನಗುತ್ತಿತ್ತು ಕೆಳಗಿರುವ ಗರಿಕೆ ಹುಲ್ಲನ್ನು ನೋಡಿ
ಕೊಲ್ಮಿಂಚು ಗುಡುಗು ಸಿಡಿಲುಗಳ ಒಳಗೊಂಡ ಸುರಿಮಳೆ ಸುರಿದಿತ್ತು ಕಾರಿರುಳ ರಾತ್ರಿಯಲಿ

ಎದ್ದಿತ್ತು ಸುಳಿಗಾಳಿ ಎಡೆಬಿಡದೆ ಸುರಿಯುವ ಹನಿಗಳ ಕೂಡ
ಉರುಳಿಸಿತ್ತು ಒಣ ಜಂಭದ ವೃಕ್ಷವ ಆ ಬಿರುಗಾಳಿ ಬುಡ ಸಮೇತ

ಮಣ್ಣುಪಾಲಾಗಿತ್ತು ನಾನೇ ಶಕ್ತಿಶಾಲಿ ಎಂದು ಬೀಗಿದ ಮರವೀಗ
ಎಲ್ಲಾ ತಲೆಕೆಳಗಾಗಿ ಮಾಡಿತ್ತು ಊಹಿಸದೆ ಬಂದ ಸಂದರ್ಭ ಆಗ

ಮಮ್ಮಲ ಮರುಗಿತ್ತು ಗರಿಕೆ ಹುಲ್ಲು ಬೇರು ಮೇಲಾಗಿ ಬಿದ್ದ ಮಹಾತರುವನ್ನು ಕಂಡು
ನಿಂತಿತ್ತು ಎದೆಯೊಡ್ಡಿ ಭೋ ಎಂದು ಬೀಸುವ ಗಾಳಿಗೆ ಕೊಂಕದೆ ಸಹಜತೆಯ ಉಂಡು

ಸಾಧಿಸಿ ತೋರಿತ್ತು ಒಮ್ಮೊಮ್ಮೆ ಮೃದುವಾಗಿರುವುದೇ ಗಟ್ಟಿತನದ ಲಕ್ಷಣವೆಂದು

– ಕೆ ಎಂ ಶರಣಬಸವೇಶ

8 Responses

  1. ಉತ್ತಮ ಸಂದೇಶ ವುಳ್ಳ ಕವನ ಧನ್ಯವಾದಗಳು ಸಾರ್.

  2. ನಯನ ಬಜಕೂಡ್ಲು says:

    ಚೆನ್ನಾಗಿದೆ

  3. Anonymous says:

    Addabidde guruji

  4. Padma Anand says:

    ಮೃದುವಾಗಿರುವುದೇ ಗಟ್ಟಿ ತನದ ಲಕ್ಷಣ, ಸೊಗಸಾದ ಸಂದೇಶ ಹೊತ್ತ ಸುಂದರ ಕವಿತೆ

  5. . ಶಂಕರಿ ಶರ್ಮ says:

    ಮೃದುವಿನ ಗಟ್ಟಿತನ ಹೊತ್ತ ಸಾದೋಹರಣ ಚಿತ್ರಕವನ ಬಹಳ ಚೆನ್ನಾಗಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published.

Follow

Get every new post on this blog delivered to your Inbox.

Join other followers: