ಬೆಳಕಿನ ಹಣತೆ

Share Button

ಮನದ ದುಗುಡ ಕಳೆಯೋಣ
ಬಾಳ ಕತ್ತಲ  ಗೆದ್ದು ನಿಲ್ಲೋಣ
ಎಣಿಕೆಗೆ  ಸಿಗದ ದೀಪಾವಳಿಯ
ಹಣತೆಯಲಿ ಎಣ್ಣೆಯೊಡನೆ
ಬತ್ತಿಯಾಗುತ  ಲೀನವಾಗೋಣ |

ಕಗ್ಗತ್ತಲಿನಿಂದ ಬೆಳಕಿನೆಡೆಗೆ
ಸಾಗುವ ಆಸೆಯ ಹೊತ್ತು
ಕಷ್ಟಗಳ ನಡುವೆ ಒಂದಷ್ಟು
ಬೆಳಕನರಸುವ ಭರವಸೆ ಹೊತ್ತು
ದೀಪದಿಂದ ದೀಪ ಹಚ್ಚೋಣ |

*ತಮಸೋಮಾ ಜ್ಯೋತಿರ್ಗಮಯಾ*
ಎನುತ ಸ್ನೇಹಮಮತೆಯ ಹಂಚುತ
ಒಲುಮೆಯ ಗೆಳೆಯರ ಕುಾಡುತ
ಬಂಧುಗಳ ಬಂಧನ ಬೆಸೆಯುತ
ಪ್ರೀತಿಯ ಹಣತೆ ಹಚ್ಚೋಣ |

ಹಣತೆಯಾರಿದ ಮೇಲೆ ಕತ್ತಲಲಿ
ಕೈ ಚಾಚಿ ತಡಕಾಡುವ ಮುನ್ನ
ಇರುವಷ್ಟು ಹೊತ್ತು ನಗುತ
ಕಾಲಕಳೆಯುವ ಮನಸ ಹೊತ್ತು
ಪ್ರೀತಿಯ ಸುಧೆಯ ಹಂಚೋಣ ||

– ಡಾ ಸುಧಾ ಜೋಶಿ
ಚಿತ್ರಕೃಪೆ:-ಲೀನಾಸಂದೇಶ್

8 Responses

  1. Vijayasubrahmanya says:

    ಬೆಳಕಿನ ಹಣತೆ ಹಾಸ್ಯವನ್ನೂ ಬೆಳಗಿದೆ.

  2. ಬದುಕಿಗೆ…ಭರವಸೆಯನ್ನು..ಬೆಳಕಿನ.. ಹಣತೆಯ…ಕವನದಲ್ಲಿ..
    ಕಟ್ಟಿ ಕೊಟ್ಟಿರುವ…ನಿಮಗೆ… ಅಭಿನಂದನೆಗಳು.. ಮೇಡಂ…

    • Dr. Sudha Joshi says:

      ಧನ್ಯವಾದಗಳು,
      ಬೆಳಕಿನ ಹಬ್ಬದ ಹಾರ್ದಿಕ ಶುಭಾಶಯಗಳು

  3. Padma Anand says:

    ಸದಾಶಯದ ಸುಂದರ ಕವಿತೆ. ಅಭಿನಂದನೆಗಳು.

    • ಡಾ. ಸುಧಾ ಜೋಶಿ. says:

      ಧನ್ಯವಾದಗಳು
      ಹಬ್ಬದ ಹಾರ್ದಿಕ ಶುಭಾಶಯಗಳು

    • ಡಾ. ಸುಧಾ ಜೋಶಿ. says:

      ಧನ್ಯವಾದಗಳು
      ಹಬ್ಬದ ಶುಭಾಶಯಗಳು

      • ಶಂಕರಿ ಶರ್ಮ says:

        ಉತ್ತಮ ಸಂದೇಶ ಹೊತ್ತ ಕವನ ಪ್ರಣತಿಯು ಬೆಳಕು ಬೀರಿದೆ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: