ಹಕ್ಕಿ ಹಾಡಲಿಲ್ಲ

Share Button



ಸರದಿಯಲಿ ವರ್ಷಗಳು
ಸರಿದು ಹೋದವು
ನೆನಪ ಬಾಂದಳದಿಂದ ನೀ ಸರಿಯಲಿಲ್ಲ

ಹದಿವಯಸ ದಾರಿಯಲಿ
ಸವೆಸಿದೆವು ಹೆಜ್ಜೆಗಳ
ಹೃದಯ ತೋರಿದ ದಾರಿ ಗಮಿಸಲಿಲ್ಲ

ಬರೆದ ಬರಹಗಳಲ್ಲಿ
ಒಲವು ಹಲುಬಿದವು
ಮನಸ ಕವಿತೆಯ ನಿನಗೆ ಉಸುರಲಿಲ್ಲ

ಎನಿತೋ ಅಧ್ಯಾಯಗಳ
ಓದು ಮುಗಿಸಿದೆವು
ಮೊದಲ ಪಾಠದ ಸವಿಯು ಮಾಸಲಿಲ್ಲ

ಸುಗಮದಲಿ ಸಂಪದವು
ಬದುಕ ತುಂಬಿದವು
ನಿನ್ನ ಸ್ನೇಹದ ಸಿರಿಗೆ ಸಮವೆನಿಸಲಿಲ್ಲ

ಜವ್ವನದ ಬಿಸಿಯು
ಬಸಿದು ಹೋದವು
ನಾಮ ಜಪದೊಳ ಹಸಿತ ಹರಿಯಲಿಲ್ಲ

ಸಂಚಯದ ಆಸೆಗಳು
ನನಸಾಗಿ ಮೆರೆದವು
ನೀನೆಟುಕದ ನಿರಾಸೆ ಚಿರ ಉಳಿಯಿತಲ್ಲ

ಮೊದಲ ಮೋಹದೆರಕ
ಎದೆ ಗೂಡಲಿರಿಸಿಯೂ
ಜೀವಧರಿಸಿದ ಹಕ್ಕಿ ಹಾರಲಿಲ್ಲ ಹಾಡಲಿಲ್ಲ

– ಅನಂತ ರಮೇಶ್

6 Responses

  1. ಅರ್ಥಪೂರ್ಣ ವಾದ..ಕವನ..ಚೆನ್ನಾಗಿದೆ.. ಸಾರ್

  2. ಒಲವಿನ ನೋವಿನ ನಲಿವಿನ ಚಿತ್ರಣ ಚೆನ್ನಾಗಿ ಮೂಡಿ ಬಂದಿದೆ

  3. ನಯನ ಬಜಕೂಡ್ಲು says:

    Nice one

  4. manjunath says:

    Nice one sir.

  5. ಶಂಕರಿ ಶರ್ಮ says:

    ಮನದ ಭಾವಗಳ, ನೋವು ನಲಿವುಗಳ ಏರಿಳಿತಗಳು ಮೂಡಿಬಂದ ಸಾಲುಗಳು ಚೆನ್ನಾಗಿವೆ.

  6. Padma Anand says:

    ಸುಂದರ ಕವಿತೆ.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: