ನಿಲುಕದೆ ಓಡದಿರು ಓ ಚಂದಿರ!
ಬೆಳದಿಂಗಳ ಚೆಲುವ ಚಂದಿರ,
ನೀನೆಷ್ಟು ಸುಂದರ!
ಧರೆಗಿಳಿದು ಒಮ್ಮೆ ಬರುವುದಾದರೆ ಸಾವಿರ
ಚೆಲುವೆಯರ ಹಿಂಡು ನಿನಗಾಗಿ ಕಾದಿವೆ,
ಆಗಾಗ ಮಿಂಚುವ ತಾರೆಗಳು ಕೂಡಾ
ಬಿಟ್ಟು ಕೊಡಲು ಚಿಂತಿಸಿವೆ.
ನಿನ್ನ ಹೊಳಪಿನ ಕಂಪಿಗೆ
ಈ ಇರುಳು ಸೊಗಸು,
ಹೊಸದಾದ ಉಲ್ಲಾಸವು ಚಿಮ್ಮುತ
ನವಿರಾಯಿತು ಮನಸು.
ಬಿಳುಪಾದ ನಿನ್ನ ಉಡುಗೆಯು
ಆ ಗಗನಕೆ ಕಳೆ,
ಬೆರಗಾಗುತ ಶುರುವಾಯಿತು
ಆ ಸಾಗರದ ಅಲೆ.
ಬೊಗಸೆ ಕೈಗಳ ಚಾಚಿ ಹಿಡಿಯಲೊರಟೆ
ಸಿಗದೆ ಹೋದೆ ಏಕೆ?
ಮಿಂಚಿ ಮೋಡ ಸುಳಿದು ಸುಳಿದು
ಕದಿಯುತಿಹರು ಜೋಕೆ!
ಹೊಂಗಿರಣದ ಸೂರ್ಯ ನಿನಗೆ ಹೋಲಲಿಲ್ಲ
ನಿನ್ನಂತೆ ಅವನನ್ನು ಕೂಡ ನಾ ಮೆಚ್ಚಲಿಲ್ಲ!
– ಸ್ನೇಹಾ ಪ್ರಸನ್ನ
