ಚಪ್ಪಲಿ ಮತ್ತು ನಾನು..!

Share Button

 

 

ಜೊತೆಯಾಗಿಯೇ ಹುಟ್ಟಿ

ಜೊತೆಯಾಗಿಯೇ ಅಗಲುವ

ನೀವು ಅದಲು;ಬದಲಾಗದೆ ಸದಾ
ಎಡ ಬಲದಲ್ಲಿಯೇ ಮುನ್ನೆಡೆಯುವಿರಿ
ನಾವು ಎಡಬಲ ಕುಳಿತೆ ಜೊತೆಯಾದೆವು
ತಡ ಮಾಡದೆ ಅದಲು;ಬದಲಾದೆವು
ಸದ್ಯ ನನ್ನವಳಿಗೀಗ ನಾನೇ ಎಡ…!

 

ನಮ್ಮನು ಪುಟ್ಟ ಮಗುವಿನಂತೆ ನಿಮ್ಮ
ಹೆಗಲಿಗೇರಿಸಿಕೊಂಡು ಎಲ್ಲಡೆ ಸುತ್ತಿ
ಕಲ್ಲು ಮುಳ್ಳುಗಳನ ನೀವೇ ಚುಚ್ಚಿಕೊಂಡು
ಹೇಸಿಗೆಯನ್ನೂ ಲೇಪಿಸಿಕೊಂಡು ನಮ್ಮ
ಪಾದಗಳನ್ನ ರಕ್ಷಿಸುವ ನಿಮ್ಮ ಗುಣ
ನಿಜಕ್ಕೂ ಶ್ಲಾಘನೀಯ…!

ಎದುರಿಗೆ ಬರುವ ಕೆಲ ನನಗಾಗದ
ಮುಖಗಳನ್ನ ನೋಡಲಾಗದೆ ನಿಮ್ಮನ್ನೆ
ನೋಡಿಕೊಂಡು ನಡೆದ;ನಡೆಯುವ
ಆ ಘಳಿಗೆಯಂತೂ ಸ್ಮರಣೀಯ!
ನಿಮ್ಮಿಂದ ಥಳಿಸಿಕೊಂಡರೆ...
ಒಗೆಸಿಕೊಂಡರೆ,ಉಗಿಸಿಕೊಂಡರೆ
ಮಾನ;ಮರ್ಯಾದೆ ಮಂಗಮಾಯ

 

ಇತ್ತೀಚಿನ ಕೆಲ ಸಭೆ,ಸಮಾರಂಭಗಳಲಿ
ನೀವು ಹಾರಿಕೊಂಡು ತೂರಿಕೊಂಡು
ನುಸುಳಿಕೊಳ್ಳುವ ನಿಮಿತ್ಯ ನಿಮ್ಮನ್ನ
ಸ್ವಲ್ಪ ದೂರ…. ಸರಿಸುತ್ತಿದ್ದಾರೆ…

 

ಮೊನ್ನೆ ಮೊನ್ನೆ ದೂರದಲ್ಲಿದ್ದುಕೊಂಡೆ
ನೀವು ನಸುನಕ್ಕಿದ್ದನ್ನ ನಾ ನೋಡಿದೆ
ನಗೆ ತಡಿಯಲಾಗದೆ ನಾನು ತುಸು ನಕ್ಕೆ..!

Chappal

 

 

 

 

– ಕೆ.ಬಿ.ವೀರಲಿಂಗನಗೌಡ್ರ , ಬಾಗಲಕೋಟ ಜಿಲ್ಲೆ

1 Response

  1. Hema says:

    ಕವನ ಓದಿ ನನಗೂ ನಗು ಬಂತು.

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Follow

Get every new post on this blog delivered to your Inbox.

Join other followers: