ಕಾಡುವ ಕವಿತೆ
ಮನವ ಕಾಡುವುದ ಅರಿತೆ
ಮನದೊಳಗೆ ಅಡಗಿ ಕುಳಿತೆ
ಸಮಯದ ಪರಿವೆಯ ಮರೆತೆ
ಒಳಗೊಳಗೆ ದಿನವೂ ಅವಿತೆ
ತುಂಬುವುದು ಹೊಸ ಬಯಕೆ
ಮನದಿ ಭಾವನೆಗಳ ಹೊದಿಕೆ
ಸಿಹಿ ಸಿಹಿ ನೆನಪುಹಳ ಕಾಣಿಕೆ
ಸಾಗಿದೆ ನಿತ್ಯವೂ ಹೊಸ ಕಲಿಕೆ
ತಂಗಾಳಿ ಸೋಕಿ ಹೋದಂತೆ
ಮನದಿ ಬೆಳದಿಂಗಳು ಚೆಲ್ಲಿದಂತೆ
ಭಾವನೆಗಳ ಗುಚ್ಛ ಅರಳಿದಂತೆ
ಆಗಸದಿ ಮೂಡಿದ ಚಂದ್ರಿಕೆಯಂತೆ
ಬದುಕಿನೊಳಗೆ ಏನೋ ಹರುಷ
ಸಂಭ್ರಮವು ಪುಟಿದೇಳುತ್ತಿದೆ
ಸಾಗರದಿ ಮೂಡುವ ಅಲೆಯಂತೆ
ಪುಳಕವ ನೀಡುತ್ತಿದೆ ಪ್ರತಿ ನಿಮಿಷ
ಕವಿತೆಯು ಹುಟ್ಟುವ ಈ ಸಮಯವು
ಮನದೊಳಗೆ ಅಪರಿಮಿತ ಹರುಷವು
ಏನೋ ಹೊಸ ಸಂಚಲನ ಒಳಗೊಳಗೆ
ಬಿಡುಗಡೆಯ ಭಾವ ಈ ಭಾವನೆಗಳಿಗೆ
–ನಾಗರಾಜ ಜಿ. ಎನ್. ಬಾಡ
ಕುಮಟ, ಉತ್ತರ ಕನ್ನಡ.
ಕವಿತೆ ಹುಟ್ಟಿದ ಸಮಯ
ಬಹುಶಃ ಛಂದಸ್ಸೂ ಆಗಲೇ ಹುಟ್ಟಿಬಿಟ್ಟಿರಬೇಕು.
ತಾಳ, ಲಯಬದ್ಧ ಪದ್ಯಪಾದ. ಅರ್ಥಪೂರ್ಣ ಆವರಣ
ಓದುವಾಗ ಸರಳ ಎನಿಸಿದರೂ ಬರೆಯುವುದು ಸರಳವಲ್ಲ.
ಹಾಗೆನ್ನುವವರು ಒಮ್ಮೆ ಬರೆದು ನೋಡಲಿ, ತಿಳಿಯವುದು.
ಅಭಿನಂದನೆ ಮತ್ತು ಧನ್ಯವಾದ ಸರ್‌, ನಿಮ್ಮ ಕವಿತೆಗಳ ಛಂದೋಲಯವೇ
ವಿಸ್ಮಯಕಾರಿ ಜೊತೆಗೆ ಆಹ್ಲಾದಕಾರಿ.
ಸೊಗಸಾದ ಕವಿತೆ ಸಾರ್
ಸೊಗಸಾಗಿದೆ
ನವನವೀನ ಭಾವನೆ, ಹೊಸಹೊಸ ಕಲಿಕೆ, ನಿತ್ಯನೂತನವೆನಿಸುವ ಕವಿತೆಗಳು ಹೀಗೆಯೇ ಹುಟ್ಟಿ ಮನಕೆ ಮುದ ನೀಡುತಿರಲಿ…ಚೆನ್ನಾಗಿದೆ.
ಕವಿತೆ ಹುಟ್ಟುವ ಸಮಯದ ಭಾವಪೂರ್ಣ ಅನಾವರಣವಾಗಿರುವ ಕವನ ಚೆನ್ನಾಗಿದೆ.
ಸಾಗರದ ಅಲೆಗಳಂತೆ ಹೊಮ್ಮುವ ಕವಿತೆಯ ಹುಟ್ಟು ಚೆನ್ನಾಗಿ ಮೂಡಿಬಂದಿದೆ
ಕವಿತೆ ಹುಟ್ಟುವ ಸಮಯದಲ್ಲಿ ಮನದಲ್ಲುಂಟಾಗುವ ಭಾವನೆಗಳನ್ನು ಚಂದದಿಂದ ಸೆರೆಹಿಡಿದಿಡಲಾಗಿದೆ.