ಬ್ರಾಹ್ಮಣೇತರರು.. ಜಾತಿಪದ್ಧತಿ

ಸುಮಾರು 45 ವರ್ಷದವಳಾಗಿರಬಹುದಾದ ನಮ್ಮ ಮನೆಗೆಲಸಕ್ಕೆ ಬರುವ ಸಹಾಯಕಿ ನಂಬಿಗಸ್ಥೆ. ಕಳೆದ ಹದಿನೈದು ವರ್ಷಗಳಿಂದಲೂ ನಮ್ಮ ಮನೆಯಲ್ಲಿ ಕೆಲಸ ಮಾಡುತ್ತಿದ್ದಾಳೆ. ನಮಗೂ ಅವಳಿಗೂ ಪರಸ್ಪರ ಹೊಂದಾಣಿಕೆ ಚೆನ್ನಾಗಿದೆ, ಸಕಾರಣವಿಲ್ಲದೆ ರಜೆ ಮಾಡುವುದಿಲ್ಲ. ಸಾಮಾನ್ಯವಾಗಿ ಅನಾವಶ್ಯಕ ಮಾತು/ಹರಟೆ/ಚಾಡಿ ಇಲ್ಲ. ಅವಳು ಬೇರೆ ಹಲವು ಮನೆಗಳಿಗೆ ಹೋಗುತ್ತಾಳಾದರೂ, ಇಷ್ಟು ದೀರ್ಘಾವಧಿ ಎಲ್ಲೂ ಕೆಲಸ ಮಾಡಿಲ್ಲ. ಒಂದೆರಡು ವರ್ಷ ಕೆಲಸ ಮಾಡಿ ಏನೋ ಕಾರಣಕ್ಕೆ “ಅಲ್ಲಿ ಕೆಲ್ಸ ವಸಿನಾ….. ನಂಕೈಲಾಗಲ್ಲ…… ಸರಿ ಹೋಯ್ತಾ ಇಲ್ಲ” ಹೀಗೆಲ್ಲಾ ಹೇಳುತ್ತಾ ಆ ಮನೆಗಳಿಗೆ ನಮಸ್ಕಾರ ಹೇಳಿ ಇನ್ನೊಂದು ಮನೆ ಹುಡುಕುತ್ತಾಳೆ. ಇದು ಪುನರಾವರ್ತಿತವಾಗುತ್ತಿರುತ್ತದೆ.

ಇನ್ನು ತಡೆಯಲಾರದೆ ನಾನು ” ನಿನ್ನ ದೇವರು ಪ್ರತ್ಯಕ್ಷವಾಗಿ ಹಾಗಂದನೆ ? ಹಾಗಾದರೆ ನನಗೂ ಆ ದೇವರನ್ನು ನೋಡಬೇಕು. ಅವನನ್ನು interview ಮಾಡಿ, ಸಮಾಜದ ಕೆಲವು ಸಮಸ್ಯೆಗಳನ್ನು ಭಿನ್ನವಿಸಿ, ನಿನ್ನಿಂದ ಮೊದಲುಗೊಂಡು ಈ ಪ್ರಪಂಚದ ಹಲವಾರು brain ಗಳನ್ನು repair ಮಾಡಯ್ಯಾ ಎಂದು ಬೇಡಿಕೊಳ್ಳಬೇಕು. ಹಾಗಾದರೆ ನೀನು ನಮ್ಮ ಮನೆಯ ಕೆಲಸವನ್ನು ಆರಂಭಿಸುವ ಮೊದಲೂ ನಮ್ಮ ಜಾತಿಯ ಬಗ್ಗೆ ಬೇರೆಯವರಲ್ಲಿ ಮುಂಚಿತವಾಗಿ ವಿಚಾರಿಸಿ ಬಂದದ್ದಾಗಿರಬೇಕಲ್ಲವೇ, ಆದರೆ ನೀನು ಯಾವ ಜಾತಿ ಎಂದು ನಮಗೆ ಇದುವರೆಗೆ ಗೊತ್ತಿಲ್ಲ, ಇನ್ನೂ ಬೇಕಾಗಿಲ್ಲ, ಮನೆಗೆಲಸ ಮಾಡಿದರೆ ಸಾಕು ಅಷ್ಟೆ” ಅಂದೆ.

ಪೆಚ್ಚಾಗಿ ಹ್ಹಿ..ಹ್ಹಿ ..ಹ್ಹಿ ಎಂದು ನಕ್ಕಳು.